Global UGRAD (Халықаралық студент алмасу бағдарламасы) – АҚШ Мемлекеттік департаментінің Білім және мәдениет Бюросының Қазақстандағы жоғары оқу орындарының күндізгі бөлімінде оқитын 1, 2, 3-курс студенттеріне арналған бағдарламасы. Global UGRAD бағдарламасына қатысу үшін студенттердің жоғары білім туралы диплом алғанға дейін кемінде бір семестрлік оқу мерзімі қалуы тиіс. Бағдарламаға қазақстандық барлық жоғары оқу орындарының және барлық мамандықтардың студенттері қатыса алады. Барлық қатысушылар ашық конкурс негізінде іріктеледі.
«Болашақ» халықаралық стипендиясы Қазақстан Республикасы Президенті Н.Ә.Назарбаевтың 1993 жылғы 5 қарашадағы Жарлығымен бекітілді.
Бағдарлама мақсаты – ел экономикасының басым секторлары үшін кадрлар мен мамандар даярлау. Бағдарлама академиялық дайындықты (магистратура, докторантура), сонымен қатар әлемнің жетекші компаниялары мен университеттерінде ғылыми-өндірістік тағылымдамадан өтуді қамтиды.
Қазақстандағы К.Аденауэр атындағы қор шәкіртақысы
Sur Place стипендиясының көмегімен Конрад Аденауэр атынд. қор өз еліндегі дарынды жастарға қолдау көрсетеді, осылайша жастарға оқуға, саяси және қоғамдық өмірге қатысуға мүмкіндік береді.
«Otyrar Education» тілдерді оқыту орталығы
2019 жылдың 26 қыркүйегінде университеттің Ақ залында «Отырар Education» тіл орталығының өкілдерімен кездесу өтті. Орталық өкілдері корей тілін, корей мәдениетін оқыту мүмкіндіктері, сондай-ақ академиялық ұтқырлық бағдарламалары туралы айтты.
Кездесу соңында студенттер университетте өтетін корей тілі курстарына тегін жазыла алды.
American English — ағылшын тілі мен америка мәдениетін оқыту мен үйретуге арналған ресурстық орталық. Бұл веб-сайт оқытушылар мен білім алушылардың кәсіби дамуы үшін әртүрлі материалдар мен ресурстарды ұсынады. Оқытушылар да, студенттер де ағылшын тілін үйренудің және Америка Құрама Штаттары туралы көбірек білудің жаңа жолдарын табады.
Вашингтондағы Ағылшын тілі бағдарламасының басқармасы академиялық сараптама және консультативтік көмек көрсетеді. Барлық бағдарламалар америкалық елшіліктер мен консулдықтардағы аймақтық ағылшын тілі қызметкерлері (RELOs) арқылы жүзеге асырылады. Кеңседе ұсынылатын бағдарламалар мен ресурстарға түрлі материалдар, қашықтан оқыту бағдарламалары және мұғалімдерді оқыту семинарлары енгізілген.
Erasmus+ халықаралық бағдарламасы:
Эразмус+ – білім беруді, кәсіптік оқытуды, жастар саясаты мен спортты жаңғырту мен тұрақты дамытуға ықпал етуге бағытталған Еуропалық Одақ бағдарламасы. Ол Еуропа елдері (Бағдарлама елдері деп аталатын), сондай-ақ Еуропа елдері мен әлем бойынша серіктес елдер арасындағы барлық осы салаларда ынтымақтастық үшін қаржылық мүмкіндіктер береді.
ENACTUS – адамдардың өмірін өзгерту және әлемді жақсырақ және тұрақтырақ орынға айналдыру үшін кәсіпкерлік әрекеттің күшін пайдалануға ұмтылатын студенттерді, бизнес көшбасшыларын және университеттерді біріктіретін халықаралық ұйым. Тәлімгер-кеңесшілер мен бизнес-сарапшылардың жетекшілігімен студент-қатысушылар өздерінің оқу орындарында адамдардың өмір сүру сапасы мен деңгейін жақсартуға бағытталған жобаларды әзірлеу және жүзеге асыру үшін командалар құрады. Бұл тәжірибелер өмірді өзгертіп қана қоймайды, олар студенттерге тиімді, құндылықтарға негізделген көшбасшы болу үшін қажетті дарын мен көзқарасты дамытуға көмектеседі.
BRITISH COUNCIL — мәдениет және білім салаларында Ұлыбританияның атынан өкілдік ететін халықаралық ұйым.
2017 жылдың 21 қарашасында Британдық Кеңес пен Баишев Университеті арасында бірлескен іс-шаралар туралы Келісімге қол қойылды, оның аясында университеттен т.ғ.к. Б.Х.Құсанова координаторлығымен 4 жоба іске асырылды және әлі де жүзеге асырылып жатыр:
«Researcher connect». Ақтөбе қаласында және Батыс Қазақстанда жұмыс істейтін зерттеушілер үшін тренингтер ұйымдастыру және өткізуге ықпал жасау.
Британ Кеңесінің «Higher Education for Employability» бағдарламасы
2020 жылдың 25-26 ақпанында Нұр-Сұлтан қаласында Британ Кеңесінің «Higher Education for Employability» бағдарламасы аясында жоғары оқу орындарының өкілдері үшін «Еңбек нарығында түлектер үшін жұмысқа орналасудың тең мүмкіндіктері» атты тренинг-семинар өтті. Бұл семинар-тренингке университеттің халықаралық ынтымақтастық және академиялық ұтқырлық жөніндегі проректоры, Ph.D. О.И.Лыгина, профессор, филол.ғыл.докторы Б.Х. Құсанова қатысты. Оқыту семинарын Advance HE жұмысқа орналастыру Эсперттік тобының мүшесі Морин Тибби жүргізді. Семинар-тренингтердің нәтижелері бойынша қатысушылар университет аралық командалар құрып, жобалар әзірлеу мүмкіндігіне ие. Семинарға қатысушылардың екі үздік жобасына 7,500 фунт стерлинг көлемінде грант беріледі.
«Creative Spark: жоғары оқу орындарында кәсіпкерлікті дамыту бағдарламасы»
Creative Spark – жеті елде, соның ішінде Орталық Азия (Қазақстан, Өзбекстан, Қырғызстан), Оңтүстік Кавказ (Әзербайжан, Армения, Грузия) және Біріккен Корольдіктің қолдауымен Украина елдерінде кәсіпкерлік дағдылар мен креативті экономиканы дамыту мақсатында халықаралық университеттер қолдауымен және халықаралық серіктестердің құруымен жасалған 5 жылдық бастама.
Аға сарапшылық қызмет (Senior Expert Service) – зейнеткерлікке шыққан немесе қызметінен үзіліс жасап жүрген мамандар мен басшыларды басқа елдердегі жобаларға ерікті негізде жіберетін халықаралық ынтымақтастық бойынша герман экономикасының қоры.
Central Asia University Partnerships Program (UniCEN). Project SCILLA (STEM Content Integrated with Language-Learning Activities). Шет тілдері және әдебиеті кафедрасының профессоры, филология ғылымдарының докторы Бибігүл Құсанова мен Халықаралық қатынастар және академиялық ұтқырлық бөлімінің меңгерушісі, экономика ғылымдарының магистрі Жанат Ерниязова Орталық Азия университеттерінің Серіктестік бағдарламасының гранты бойынша SCILLA сегіз айлық халықаралық жобасына қатысуда. Жоба 2020 жылдың 1 мамырынан 31 желтоқсанына дейін жалғасады.