Студенттер қатарына қабылдау – әр білім алушының өміріндегі маңызды және қызықты сәттерінің бірі, жайдары, жарқын эмоциялар мен ұмытылмас әсерлерге толы күн.

2024 жылдың 18 қазанында Баишев Университетінде «Студент қатарына қабылдау-2024» атты салтанатты кеш өтті.

Бұл – жаңа, ересек өмірге жақсы бастама, өмірде өшпес із қалдыратын студенттердің бастамасына алғашқы қадам. Университет болашақ мамандарға, студенттерге арнау рәсімін өткізді, университеттің белсенді студенттері мерекелік көңіл-күй сыйлап, өз өнерлерін ортаға салды. Кеш соңы би кешімен жалғасты. Бұл атаулы іс-шараға Әлеуметтік-мәдени даму департаменті және Жастар ісі жөніндегі комитет мүшелері жауапты болды.