Баишев Университетінің оқытушылары мен білім алушылары 2024 жылдың 22 қазанында Ақтөбе қалалық жастар ресурстық орталығының ұйымдастыруымен өткен «Adal Urpaq» атты жастар форумына қатысты.
Форумға Ақтөбе қаласының әкімі Азамат Бекет, Ақтөбе қалалық прокуратурасының басшысы Бақыт Қыдырәлі мен Ақтөбе қаласы полиция басқармасының басшысы Әсет Қалиев, Ақтөбе қалалық прокуратурасы мен Ақтөбе қаласы полиция басқармасы өкілдері және кеш қонағы ретінде Астана қаласы «Ырыскелді қажы» мешітінің бас имамы, теолог Нұрлан Байжігітұлы қатысып, жас ұрпаққа қазақ қоғамы үшін, әсіресе жастар үшін ұлттың тәлім-тәрбиесі мен құндылықтарының маңыздылығын сөз етті.