Ағымдағы жылдың 19 қарашасында Баишев университетінің Әлеуметтік-мәдени даму департаментінің ұйымдастыруымен Ақтөбе облыстық орталық «Нұр-ғасыр»  мешітінің наиб имамы Смағұлов Нұрбол Берікболұлымен кездесу өтті.  

Шара аясында  білім жолындағы ізденістерімен қатар, қоғамдық жұмыстар мен түрлі шараларға белсене атсалысып келе жатқан жастарға Нұрбол Берікболұлы жылы лебізін білдіріп, өмірлік өнеге болатын кеңестерімен бөлісті. Сондай-ақ, жастар арасында діни экстремизм мен терроризмге қарсы «иммунитет» қалыптастырып, теріс ағымдардан сақтандыру мақсатында дәріс оқылды.