2024 жылдың 11 желтоқсанында Бәйішев университетінің алаңында «Қаржы» халықаралық студенттік онлайн олимпиадасы өтті. Шараға 9 елден 250-ден астам білім алушылар қатысты. Олимпиаданың негізгі кезеңіне 26 қатысушы жолдама алды. Олар іріктеу кезеңінің сұрақтарын сәтті орындап, 20 сұрақтың 18 және одан да көп сұрақтарына жауап берді. Олимпиада жеңімпаздары барлық олимпиада тапсырмаларын орындағаны үшін алған ұпайларына сәйкес құрылған қатысушылардың рейтингтік кестесінің негізінде анықталды.
«Қаржы» халықаралық студенттік онлайн олимпиадасының жеңімпаздары:

1. Жүсіпов Талғат Мырзамуратович, ғылыми жетекшісі – э.ғ.к., Әлеуметтік-техникалық ғылымдар жоғары мектебінің доценті, ғылым және стратегиялық даму жөніндегі проректоры Нурсулу Қыдыровна Қалаганова, Баишев университеті (Ақтөбе қ., Қазақстан Республикасы), 1-орынды иеленді.
2. Мамиконян Гор Гарикович, ғылыми жетекшісі Ахметова Эльвира Ерболатовна – магистр, аға оқытушы, Баишев университеті (Ақтөбе қ., Қазақстан Республикасы), 2-орынды иеленді.
3. Тілеген Темірлан Ерсайынұлы, ғылыми жетекшісі – магистр, аға оқытушы Сагира Райхановна Қалмагамбетова, Баишев университеті (Ақтөбе қ., Қазақстан Республикасы), 2-орынды иеленді.