Баишев университетінде «Цифрлық сауаттылықты қалыптастыру» тақырыбында курс өткізілді. Білім беру бағдарламасы компьютер саласындағы пайдаланушының техникалық дағдыларын, АКТ сауаттылығын (қызметтерді және мәдени ұсыныстарды пайдалану үшін пайдаланушы дағдыларының жиынтығы), ақпараттық компонентті (табу қабілетін) қамтиды.
Цифрлық сауаттылық оқуды қашықтан жалғастыруға, материалды күнделікті, жиі монотонды оқуға ғана емес, сонымен қатар тәуелсіз, икемді, интеграцияланған оқытуға уақыт бөлуге мүмкіндік береді.
Курс барысында тыңдаушылар келесі білімдерді алды:
– мәтіндік редактор ортасында құру және өңдеу құралдары туралы;
– ғаламдық ақпараттық интернет желісі, электрондық пошта туралы;
– ақпараттық қауіпсіздік және жеке ақпаратты қорғау саласындағы заңнама және азаматтардың дербес ақпаратты беру жауапкершілігі туралы;
– халыққа электрондық мемлекеттік қызметтердің құрамы және олардың нормативтік құқықтық мәртебесі туралы;
– таңдалған мемлекеттік қызметке жеке қол жеткізу туралы;
– халыққа мемлекеттік қызмет көрсету порталына мобильді қолжетімділік бойынша;
– мемлекеттiк қызметтi пайдаланушының электрондық картасының тағайындалуы, электрондық қолтаңба және дербес деректердi нормативтiк құқықтық қорғау және мемлекеттiк қызметтiң электрондық картасын ұстаушы азаматтардың халыққа жауапкершiлiгi туралы;
– бұлтты технологиялар және электрондық карта арқылы мемлекеттік қызметті пайдаланушының жеке кабинетіне кіру туралы.
Курстар барысында тыңдаушыларға Баишев Университеті «Ақпараттық- коммуникациялық технологиялар» БББ оқытушылары Нұрғазы Лаура Қуанышбекқызы, техника ғылымдарының магистрі, Иманғазина Назерке Абидуллақызы, педагогика ғылымдарының магистрі дәрістер оқып, тәжірибелік сабақтар жүргізді. Тыңдаушылар лекторларға шексіз алғыстарын білдірді.
Курстарды аяқтаған тыңдаушыларға сертификаттар берілді.