2021 жылғы 21 қазанда ҚХА кеңесінің кеңейтілген отырысында ҚР-ның президенті Қ.К. Тоқаевтың тапсырмасы негізінде «Мәдениетті ана – мәдениетті ұлт» жобасы аясында Жаратылыстану-гуманитарлық ғылымдар ЖМ мен Қазақстан халқы Ассамблеясы Аналар кеңесінің ұйымдастыруымен “Салауатты сана” тақырыбында дөңгелек үстел өтті.
Жиын барысында салауатты өмір салтын насихаттап, саналы қоғам қалыптастыру мәселелері қаралды. Адал азамат тәрбиелеуге бағытталған бұл жобаны жүзеге асыру бойынша идеялар мен міндеттері талқыланды.
Дөңгелек үстелдің мақсаты: нашақорлық, құмарпаздық тұрмыстық зорлық-зомбылық, вандализм және ысырапшылдық сияқты әлеуметтік кеселдермен күресуге бағытталған.