Көңілділер мен тапқырлар клубы (бұдан әрі – КТК) – жалпы адамзаттық құндылықтарға бағытталған, толеранттылықты, шығармашылық пен актерлік қасиеттерді дамытатын студенттердің ерікті бірлестігі.

КТК-ның мақсаты мен міндеттері:

• жастар КТК қозғалысын дамыту және қолдау;
• жастар саясатын жүзеге асыру;
• жастарды белсенді саяси және қоғамдық өмірге тарту;
• КТК қозғалысын танымал ету және жергілікті КТК командаларын қазақстандық, халықаралық деңгейлерге көтеру;
• жастар ортасында белсенді өмірлік ұстанымға деген көзқарасты, әлеуметтік жауапты мінез-құлық дағдыларын қалыптастыру, сондай-ақ гуманизм құндылықтары мен салауатты өмір салтын насихаттау.

Осы мақсаттарға жету үшін келесі міндеттер орындалады:

• белсенді көркем-эстетикалық іс-әрекет түрлері арқылы жастардың интеллектуалдық және шығармашылық қабілеттерін дамыту;
• өзін-өзі қалыптастыру және өзін-өзі дамыту қажеттіліктерін қалыптастыру;
• КТК қатысушылары арасында шығармашылық қарым-қатынас ортасын құру;
• жастарды отансүйгіштікке тәрбиелеу;
• оқу орындары мен студенттік ұжымдар арасындағы достық байланысты кеңейту;
• КТК және басқа да іс-шараларды ұйымдастыруға тарту үшін ең белсенді және шығармашыл тұлғаларды анықтау.

КТК жұмысының бағыттары:

• КТК ойындарында шығарылымдар дайындау;
• университет командасының әртүрлі деңгейдегі КТК жарыстарына тұрақты қатысуы;
• университеттің мәдени-ойын-сауық іс-шараларына, оның ішінде мемлекеттік және ұлттық мерекелер кезінде қатысу;
• төменгі курс студенттерін КТК ойындарына қатысуға үйрету және дайындау, жастардың келесі кезегін тәрбиелеу;
• ұйымның жасөспірім мүшелерінің өз іскерліктерін, дағдылары мен қабілеттерін, басқа адамдардың игілігі үшін пайдалану, көрсету арқылы өзін-өзі қалыптастыруларына жағдай жасау.