Ақтөбе қаласында «КӘСІБИ БАҒДАР: болашақ бүгіннен басталады» атты республикалық педагогикалық конференция ұйымдастырылып, конференцияға Баишев Университетінен Әлеуметтік-мәдени даму жөніндегі проректор Бухарбаев Шыныбек Мұсаұлы және Кәсіби бағдар беру орталығының жетекшісі Балымов Ерлан Куанышевич, сондай-ақ, аталмыш орталық маманы Алтаев Нұрлан Нұрлыбекұлы қатысты.
Конференция Ақтөбе облысы білім басқармасының ұйымдастыруымен SMART Bilim мектебінің қабырғасында өткізілді. Шараға SMART Bilim және Bilim мектептерінің 9,10 ,11-сынып оқушылары қатысып, болашақ мамандықты дұрыс таңдау өмірдегі маңызды қадамдардың бірі екендігіне назар аудартылды. Баишев Университеті өз болашағын ойлайтын жастарға кәсіби бағдар беру бағытындағы жұмыстарын әлі де жалғастырады.